अरूसँग हात फैलाउन नजानेको
दान र दयाको भिखारी भयो ।
हेलिकप्टरहरू माथिबाट आउँछन्
अनेकन मालताल ल्याउँछन् ।
घर, जमिन, आफन्त सकल रहेकाहरू
तोडले चिच्याउन सक्छन्
हुलमा घिच्याउन सक्छन्
राहत लिन तिनै कराउँछन्
ऊजस्ता नाङ्गाहरू हुलमै हराउँछन् ।
निमेषमै दान र दयाको भिखारी भएको
उसले होल्डिङ सेन्टरको एउटा कुनाबाट
राहत लिने र दिने तमासा ।
दान लिएर गोदाम बनाउनेहरू
दान दिएर भिडियो बनाउनेहरू
यताका बिचौलिया दानवीरहरू भन्दैछन्-
हामीले सबको ज्यान बचाएका छौँ
तिमीहरूको मान जोगाएका छौँ
परका दाताहरू रिपोर्टले दङ्ग छन्
यता दानवीरहरू थप दानले चङ्गा छन् ।
परका दाताहरूलाई के थाहा ?
पीडित पनि सहरबाट ल्याइएका हुल हुन्
राम्रा घर र लुगा पाउनेहरू
दानवीरकै शाखाका कुल हुन्
परबाट जे देखे ती खेल हुन्
वरबाट जे गरियो ती झेल हुन् ।
यी दान र मानका सौदाहरू ।
