ललितपुर । ललितपुर महानगरकी १०६ वर्षीया ज्येष्ठ नागरिक मनमाया महर्जनको शुक्रबार बिहान निधन भएको छ ।
मनमायाका नाति विक्रम महर्जनका अनुसार उनी केही दिनदेखि बिरामी थिइन् । मनमायाका एक छोरा र दुई छोरी छन् ।
मनमायाको पार्थिव शरीरलाई ललितपुर महानगरका प्रमुख चिरीबाबु महर्जनले पुष्पगुच्छा अपर्ण गर्दै श्रद्धाञ्जली व्यक्त गरेका छन् ।
नगरप्रमुख महर्जनले शोकसन्तप्त परिवारजनमा हार्दिक समवेदना व्यक्त गर्दै धैर्य गर्न अनुरोध गरेका छन् ।
मनमाया महर्जनको विशेष सम्मानमा महानगरपालिकाले अघिल्लो वर्ष कार्यक्रम आयोजना गरेको थियो ।
नगरप्रमुख महर्जनले ज्येष्ठ नागरिकको अनुभव र ज्ञान नयाँ पुस्ताको महत्वपूर्ण सामग्री हुने बताउँदै त्यसको संरक्षण गर्नु सबैको कर्तव्य भएको बताए ।
